ඉතිහාසය

මහවැලි ගං දියරින් පෝෂිත වූ උල්හිටියගම්මානයේ සොදුරු පරිසරයක පිහිටි අප පාසල අද වන විට ප්‍රදේශයටම අලෝකයක් වූ කීර්තිමත් විදු බිමක් බවට පත්ව ඇත.

වර්ෂ 1984  හත්වෙනි මස දහවැනි   උල්හිටිය ගම්මානයේ මහවැලි සි කලාපය විසින්  සාදා නිම කළ ගොඩනැගිලි පහ තුළ ආරම්භ වූ පාසලේ මුල් ගුරුතුමන් වූයේ එන් .යු.උපසිරි මහතාය. එතුමන් සමඟ  සිසු දරුවන් වෙනුවෙන් ස්වෙච්ඡාවෙන් දෙදෙනෙකු ඉගැන්වීම්න්වී කටයුතු සදහා එක්වී ඇත.පසුව ගණීතය ගුරුවරියන් ‍දෙනෙකු සේවයට පැමිණි අතර ඔවුන් ලීලාවතී හා බණ්ඩාර මැණිකේ වෙි. යෝජිත මහා විද්‍යාලයක් ලෙස මහවැලි සි කලාපය මෙම විද්‍යාලය ආරම්භ කර ඇති අතර මහවැලි සි කලාපයේ නේවාසක ව්‍යාපාර කළමණාකරණ පතිරණ මහතාගේ ප්‍රධානත්වයෙන් ළමයින් පාසලට ඇතුළත් කර ඇත.

පාසලේ මුල්ම ශිෂ්‍යයා ලෙස  එම්.ජි.සරත් කුමාර සිසුවා පාසලට බදවාගෙන ඇති අතර ඉතා ඉක්මනින් සිසුන් පාසලට සිසුන් එක් වීම ආරම්භ වී ඇති අතර 1 ශ්‍රේණියේ සිට 9 ශ්‍රේණිය දක්වා පන්ති ආරම්භ කර ඇත. 1984.12.31 වන දින වන විට සිසුන් 228 ක් උල්හිටිය මහා විද්‍යාලයේ අධ්‍යාපනය ලබා ඇත.

1987 වර්ෂයේ දී සාමාන්‍ය පෙළ විභාගයට ප්‍රථම වරට සිසුන් 11 ක් මුහුණ දෙයි.

ඉහත රූපය රූපයේ දැක්වෙන්නේ මුල්ම ගුරුතුමා පදිංචි  වූ නිළ නිවාසය වන අතර මෙහි වර්තමානයේත් ගුරු භවතෙකු පදිංචි වී සිවියි. පසුකාලීනව නව බුදු මැදුරක් ,නව ගොඩනැගිලි 03ක් හා එක් දෙමහල් ගොඩනැගිල්ලක් එකතු විය.

 1993 වර්ෂයේ දී උසස් පෙළ කලා අංශය ආරම්භ වේ.2012 වර්ෂයේ දී විද්‍යාලයේ වාණිජ අංශය ආරම්භ වේ.

2020 වර්ෂයේ දී නව ගොඩනැගිල්ලක් ඉදි වන අතර එම ගොඩනැලිල්ල තුළ උසස්  පෙළ සිසුන් අධ්‍යයන කටයුතු සිදු කරයි.

විද්‍යාලයේ අධ්‍යාපනික කටයුතු ප්‍රාථමික අංශය, ද්විතීයික අංශය වශයෙන් ක්‍රියාත්මක වන අතර විද්‍යා ගණිත අංශය, ඉංග්‍රීසි අංශය, ක්‍රීඩා අංශය, සෞන්දර්යය අංශය, ප්‍රමුඛස්ථානයක් අත් කර ගනී. ඒ හැර පරිගණක ඒකකය ශ්‍රව්‍ය දෘෂ්‍ය ඒකකය, පුස්තකාලය, ප්‍රථමාධාර ඒකකය ද සක්‍රීය අයුරින් පවත්වාගෙන යයි.

  විෂය බාහිර කටයුතු ලෙස ක්‍රීඩා, සමිති සමාගම්, චාරිකා, අධ්‍යාපනික ප්‍රදර්ශන, විවිධ ආගමික වැඩ සටහන්,සාහිත්‍ය උත්සව, නායකත්ව පුහුණු වැඩ සටහන්, රථ නියාමක කණ්ඩායම්, විවාද කණ්ඩායම, මාධ්‍ය ඒකකය, ප්‍රථමාධාර ඒකකය , ශිෂ්‍ය භට, බාලදක්ෂ, පරිසර නියමු වැඩ සටහන්, විවිධ සුභ සාධන කටයුතු, විවිධ ප්‍රසංග, සිංහල අලුත් අවුරුදු උත්සව ආදිය සාර්ථක ලෙස ක්‍රියාත්මක කරයි.

මේ වන විට විද්‍යාලයේ ආචාර්ය මණ්ඩලය 39ක් වන අතර, අනධ්‍යන කාර්ය මණ්ඩලය 06කින් සමන්විතය. නවසියක් පමණ වූ සිසු දරුවන්ගේ අධ්‍යාපනය ඉහළට ඔසවා තැබීම සදහා එම කාර්ය මණ්ඩලය නිරන්තරව ඇප කැප වී සිටී. "පිරුණු හිසක් කුලුණු හදක් ඇති මිනිසුන් බිහි කිරීම" යන දැක්ම අනුව යමින් ලංකාව පුරා විදුහල් සමග උරෙනුර ගැටෙමින් සෑම අතින්ම ජයග්‍රහණය කරා පියමැනීමට, අධ්‍යන, අනධ්‍යන කාර්ය මණ්ඩලයේද, දෙමාපියන් හා අධ්‍යාපන බලධාරීන්ගෙන් ද ලැබෙන සහය විශාල ශක්තියකි. වර්ෂ 2023 වන විට කලාපයේ පාසල් අතර ගුණාත්මක සංවර්ධනයේ ප්‍රමුඛස්ථානයට ලගා වීම අප පාසලෙහි අපේක්ෂාව වන්නේය.

{QF3=5}